بعد ترك شيرين.. إيهاب صالح يتولى إدارة أعمال كارمن سليمان

أعلن إيهاب صالح عن توليه إدارة أعمال الفنانة كارمن سليمان، وذلك في ذات اليوم الذي أعلن فيه ترك عمله كمدير أعمال شيرين عبد الوهاب.

ونشر إيهاب صالح على صفحته الرسمية على موقع تويتر صورا تجمعه بالفنانة كارمن سليمان وزوجها الملحن مصطفى جاد، علق قائلا: “سعيد و بتشرف جدا انى أعلن إن من النهاردة مسكت رسميا إدارة اعمال النجمة كارمن سليمان. كارمن حد موهوب فوق الطبيعي، شخصية في منتهي الجمال و الرقي و من وجهة نظري هي المستقبل عشان عندها كل الامكانيات و هي عارفة إني فان كبير ليها من قبل مشتغل معاها فعلا. كارمن إن شاء الله الميجاستار القادمة من مصر للكل الفترة الجاية و افتكروا كلامي ده كويس”

ايهاب صالح يترك إدارة أعمال شيرين عبد الوهاب

وأعلن إيهاب صالح صباح اليوم عن ترك إدارة أعمال الفنانة شيرين عبد الوهاب بعد نجاح حفلها الأخير في جدة
وكتب على حسابه الرسمي :” جمهور شيرين العظيم ، الحمد لله علي نجاح حفل جدة كما كان متوقع و ده العادي بتاع شيري في أي حفلة. أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة أللى فاتت ليها في المقام الاول طبعا بعد كدة ليا. قررنا إن من الافضل لينا إن نحط صداقتنا و العشرة قبل أي حاجة و إني ابتعد عن إدارة أعمالها و ده أكيد لمصلحة الطرفين و لينا اسبابنا”